Press Release

കെ.പി.സി.സി. പ്രസിഡന്റ് എം.എം. ഹസന്‍ ഉപവാസ സത്യഗ്രഹം ആഗസ്റ്റ് 15 ന്

രാജ്യത്ത് വര്‍ദ്ധിച്ചു വരുന്ന ദളിത്-പിന്നോക്ക-ന്യൂനപക്ഷ അക്രമങ്ങളില്‍ പ്രതിഷേധിച്ചു കൊണ്ടും ബി.ജെ.പി., സംഘപരിവാര്‍ ശക്തികളുടെ വര്‍ഗീയ ഫാസിസ്റ്റ് പ്രവര്‍ത്തനങ്ങളില്‍ പ്രതിഷേധം പ്രകടിപ്പിച്ചുകൊണ്ടും കെ.പി.സി.സി. പ്രസിഡന്റ് എം.എം. ഹസന്‍ സ്വാതന്ത്ര്യ ദിനമായ 2017 ആഗസ്റ്റ് 15 ന് ഇന്ദിരാഭവനില്‍ 24 മണിക്കൂര്‍ ഉപവസിക്കും.
ആഗസ്റ്റ് 15 ന് രാവിലെ 11 മണിക്ക് പ്രതിപക്ഷ നേതാവ് രമേശ് ചെന്നിത്തല ഉപവാസ സത്യഗ്രഹം ഉദ്ഘാടനം ചെയ്യുമെന്ന് കെ.പി.സി.സി. ജനറല്‍ സെക്രട്ടറി തമ്പാനൂര്‍ രവി അറിയിച്ചു.
ആഗസ്റ്റ് 15 ന് രാവിലെ 9.30 ന് ഇന്ദിരാഭവനില്‍ കെ.പി.സി.സി. പ്രസിഡന്റ് എം.എം. ഹസന്‍ ദേശീയ പതാക ഉയര്‍ത്തുന്നതോടെ സ്വാതന്ത്ര്യദിന ആഘോഷപരിപാടികള്‍ക്ക് തുടക്കമാകും. സേവാദള്‍ വോളന്റീയര്‍മാരുടെ ഗാര്‍ഡ് ഓഫ് ഓണറിനു ശേഷം ചേരുന്ന സ്വാതന്ത്ര്യ ദിനാഘോഷ സമ്മേളനം പ്രതിപക്ഷ നേതാവ് ഉദ്ഘാടനം ചെയ്യും.  കവിയിത്രി സുഗതകുമാരി ടീച്ചര്‍ സ്വാതന്ത്ര്യദിന സന്ദേശം നല്‍കും. ഗാന്ധിയന്‍ പി. ഗോപിനാഥന്‍ നായര്‍ ഉള്‍പ്പെടെയുള്ള പ്രമുഖ നേതാക്കള്‍ പങ്കെടുക്കും.
പ്രതിപക്ഷ നേതാവ് ഉദ്ഘാടനം ചെയ്യുന്ന ഉപവാസ സത്യഗ്രഹം ആഗസ്റ്റ് 16 രാവിലെ 11 മണിക്ക് മുന്‍ മുഖ്യമന്ത്രി ഉമ്മന്‍ചാണ്ടി എം.എം. ഹസന് നാരങ്ങാ നീര് നല്‍കി അവസാനിപ്പിക്കും. സാമൂഹ്യ രാഷ്ട്രീയ സാംസ്‌കാരിക നേതാക്കളും സംഘടനകളും ഉപവാസ സത്യഗ്രഹത്തില്‍ പങ്കെടുക്കുമെന്ന് തമ്പാനൂര്‍ രവി അറിയിച്ചു.
more

കോണ്‍ഗ്രസ് നേതാവ് അഹമ്മദ് പട്ടേലിന്റെ വിജയം ബി.ജെ.പിയുടെ പണാധിപത്യ രാഷ്ട്രീയത്തിനും വര്‍ഗീയ ഫാസിസ്റ്റ് നിലപാടുകള്‍ക്കും കിട്ടിയ കനത്ത തിരിച്ചടിയാണെന്ന് പ്രതിപക്ഷ നേതാവ് രമേശ് ചെന്നിത്തല

കോണ്‍ഗ്രസ് നേതാവ് അഹമ്മദ് പട്ടേലിന്റെ വിജയം ബി.ജെ.പിയുടെ പണാധിപത്യ രാഷ്ട്രീയത്തിനും വര്‍ഗീയ ഫാസിസ്റ്റ് നിലപാടുകള്‍ക്കും കിട്ടിയ കനത്ത തിരിച്ചടിയാണെന്ന് പ്രതിപക്ഷ നേതാവ് രമേശ് ചെന്നിത്തല.
ഇന്ദിരാ ഗാന്ധി ജന്മശതാബ്ദി  ആഘോഷ പരിപാടികളുടെ ഭാഗമായി സംഘടിപ്പിച്ച ”വര്‍ഗീയതയെ തുരത്തൂ ജനാധിപത്യത്തെ രക്ഷിക്കൂ” എന്ന സെമിനാര്‍ ഉദ്ഘാടനം ചെയ്ത് പ്രസംഗിക്കുക ആയിരുന്നു അദ്ദേഹം.
പണവും അധികാരവും ദുരുപയോഗവും ചെയ്ത് കൂറുമാറ്റ രാഷ്ട്രീയത്തെ പ്രോത്സാഹിപ്പിക്കുന്നു ബി.ജെ.പി. അധ്യക്ഷന്‍ അമിത് ഷായും, പ്രധാനമന്ത്രി നരേന്ദ്രമോഡിയും മതേതരത്വത്തേയും ജനാധിപത്യത്തേയുമാണ് തകര്‍ക്കുന്നത്. വര്‍ഗീയ ധ്രൂവീകരണ ത്തിലൂടെ അധികാരം നിലനിര്‍ത്തുക എന്നതാണ് സംഘപരിവാര്‍ അജണ്ടയെന്ന് രമേശ് ചെന്നിത്തല പറഞ്ഞു.
മതേതരത്വത്തേയും ജനാധിപത്യത്തേയും സംരക്ഷിക്കാന്‍ രണ്ടാം സ്വാതന്ത്ര്യസമരം നടത്തേണ്ട അവസ്ഥയാണ് രാജ്യത്ത് ഇന്ന് നിലനില്‍ക്കുന്നതെന്ന് കെ.പി.സി.സി. പ്രസിഡന്റ് എം.എം. ഹസന്‍ അഭിപ്രായപ്പെട്ടു. മതേതരത്വത്തിന്റെയും ജനാധിപത്യത്തിന്റെയും ഘാതകരാണ് ബി.ജെ.പിയും സംഘപരിപാര്‍ ശക്തികളും.
ജനാധിപത്യത്തിന് പകരം പണാധിപത്യത്തിലൂടെയും ജാതിമത ചിന്തകള്‍ കത്തിച്ചും അധികാരം പിടിച്ചെടുക്കുകയാണ് ബി.ജെ.പി. രാഷ്ട്രീയ കുതിരക്കച്ചവടത്തിനും ജനാധിപത്യ മര്യാദ ലംഘനത്തിനും ബി.ജെ.പിക്കും അമിത് ഷായ്ക്കും ലഭിച്ച തിരിച്ചടിയാണ് അഹമ്മദ് പട്ടേലിന്റെ വിജയമെന്നും എം.എം. ഹസന്‍ പറഞ്ഞു.
മതാതിഷ്ഠിത രാഷ്ട്രത്തിന് രൂപം നല്‍കാന്‍ പ്രതിജ്ഞതയെടുത്ത ആര്‍.എസ്.എസ്. പോലുള്ള വര്‍ഗീയ ഫാസിസ്റ്റ് ശക്തികളെ നേരിടുന്നതിന് ജനാധിപത്യ മതേതരത്വ ഇടതുപക്ഷ പാര്‍ട്ടികളുടെ ഐക്യം ശക്തിപ്പെടുത്തേണ്ടതുണ്ടെന്ന്  സി.പി.ഐ. ജോയിന്റ് സെക്രട്ടറി കെ. പ്രകാശ് ബാബു പറഞ്ഞു.
more

ഇന്ത്യയെ രണ്ടാമതും വിഭജിക്കാനുള്ള സംഘടിത ശ്രമങ്ങളെ പരാജയപ്പെടുത്താന്‍ ഇന്ദിരാഗാന്ധിക്ക് കഴിഞ്ഞു: ഉമ്മന്‍ചാണ്ടി

സാധരണക്കാരയ ജനങ്ങള്‍ക്ക് വേണ്ടി പ്രയത്ന്നിച്ച നേതാവാണ് ഇന്ദിരാഗാന്ധിയെന്ന് മുന്‍മുഖ്യമന്ത്രി ഉമ്മന്‍ചാണ്ടി. കെ.പി.സി.സിയില്‍ ഇന്ദിരാഗാന്ധി ജന്മശതാബ്ദി സമ്മേളനം ഉദ്ഘാടനം ചെയ്തു സംസാരിക്കുക ആയിരുന്നു അദ്ദേഹം.
കോണ്‍ഗ്രസ് പ്രവര്‍ത്തകര്‍ക്ക് ആവേശവും പ്രചോദനവും നല്‍കുന്നതാണ് ഇന്ദിരാഗാന്ധിയുടെ ജീവിതം.പ്രതിസന്ധികളെ അതിജീവിക്കാന്‍ അസാമാന്യമായ പാടവം ഇന്ദിരാഗാന്ധിക്കുണ്ടായിരുന്നു.ദാരിദ്ര്യം നിര്‍മ്മാര്‍ജ്ജനം ചെയ്യുന്നതിന് വേണ്ടി ഭക്ഷ്യോല്‍പ്പാദനത്തില്‍ സ്വയംപര്യാപ്തത കൈവരിക്കാന്‍ ഇന്ദിരാജിയുടെ ഭരണകാലത്ത് കഴിഞ്ഞു.ഇന്ദിരാഗാന്ധിയുടെ ഭരണനേട്ടങ്ങളാണ്  രാജ്യത്തിന്റെ വികസനത്തിന് അടിത്തറ പാകിയത്. ഇന്ത്യയുടെ അന്തസും അഭിമാനവും ലോകമെമ്പാടും ഉയര്‍ത്തിയ നേതാവാണ് ഇന്ദിരാഗാന്ധി.ഇന്ത്യയെ രണ്ടാമതും വിഭജിക്കാനുള്ള സംഘടിത ശ്രമങ്ങളെ പരാജയപ്പെടുത്താന്‍ ഇന്ദിരാഗാന്ധിക്ക് കഴിഞ്ഞു.കെ.പി.സി.സിയുടെ ആഹ്വാനപ്രകാരം സംസ്ഥാനത്തെ എല്ലാ കോണ്‍ഗ്രസ് ബൂത്തുകളിലും ഇന്ദിരാഗനാന്ധി കുടുംബസംഗമങ്ങള്‍  വിജയകരമായി നടത്താന്‍ കഴിഞ്ഞത് കേരളം ഇന്ദിരാഗാന്ധിക്ക് നല്‍കിയ ഏറ്റവും ആദരവിന്റെ ഭാഗമാണെന്നും ഉമ്മന്‍ചാണ്ടി പറഞ്ഞു.
രാജ്യത്ത് യുവജന പ്രസ്ഥാനം പടുത്തുയര്‍ത്തുന്നതില്‍ നിര്‍ണ്ണായക പങ്ക് വഹിച്ച വ്യക്തിയാണ് ഇന്ദിരാഗാന്ധിയെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.കോണ്‍ഗ്രസ് മുക്തഭാരതമെന്നത് നരേന്ദ്രമോഡിയുടെ ദിവാസ്വപ്‌നമാണ്. പണാധിപത്യത്തിലൂടെ സംസ്ഥാനങ്ങളുടെ അധികാരം അട്ടിമറിക്കാനാണ് നരേന്ദ്രമോഡി ശ്രമിക്കുന്നത്. പരാജയങ്ങളില്‍ തകരുന്ന പ്രസ്ഥാനമല്ല കോണ്‍ഗ്രസ്. പരാജയങ്ങളെ അതിജീവിച്ച് കോണ്‍ഗ്രസ് കൊടുങ്കാറ്റ് പോലെ മടങ്ങിവരും.പ്രതിപക്ഷ ബഹുമാനം ഇല്ലാത്ത പ്രധാനമന്ത്രിയാണ് നരേന്ദ്രമോഡി. ഗുജറാത്തില്‍ കോണ്‍ഗ്രസ് ഉപാധ്യക്ഷന്‍ ബി.ജെ.പി പ്രവര്‍ത്തകരാല്‍ അക്രമിക്കപ്പെട്ടിട്ട് അപലപിക്കാന്‍ പോലും അദ്ദേഹം തയ്യാറാകാത്തത് അതിന്റെ തെളിവാണെന്നും രമേശ് ചെന്നിത്തല പറഞ്ഞു.
കുട്ടികള്‍ക്ക് പ്രതിസന്ധികളെ അതിജീവിക്കാന്‍ പ്രചോദനമാണ് ഇന്ദിരാഗാന്ധിയുടെ ജീവിതമെന്ന് കെ.പി.സി.സി. പ്രസിഡന്റ് എം.എം.ഹസന്‍ അഭിപ്രായപ്പെട്ടു.രാജ്യത്ത് സാമ്പത്തിക വിപ്ലവത്തിന് നേതൃത്വം നല്‍കിയ നേതാവാണ് ഇന്ദിരാഗാന്ധി.ലോകം കണ്ടതില്‍ വച്ച ഏറ്റവും വലിയ ജനാധിപത്യവാദിയായിരുന്നു ഇന്ദിരാഗാന്ധിയെന്നും എം.എം.ഹസന്‍ പറഞ്ഞു.
more

മേധാ പട്കര്‍ അറസ്റ്റ് ചെയ്ത് ജയിലിലടച്ച പോലീസ് നടപടി മനുഷ്യത്വരഹിതം : കെ.പി.സി.സി. പ്രസിഡന്റ് എം.എം. ഹസന്‍

മധ്യപ്രദേശിലെ ധാര്‍ ജില്ലയിലെ സര്‍ദാര്‍ സരോവര്‍ അണക്കെട്ടിന്റെ ഉയരം കൂട്ടുന്നതുമായി ബന്ധപ്പെട്ട് കുടിയൊഴി പ്പിക്കപ്പെട്ട ആദിവാസികളെ കാണാന്‍ ശ്രമിച്ച നര്‍മ്മധാ ബച്ചാവോ ആന്തോളന്‍ നേതാവ് മേധ പട്കറെ അറസ്റ്റ് ചെയ്ത് ജയിലിലടച്ച പോലീസ് നടപടി മനുഷ്യത്വരഹിതമാണെന്ന് കെ.പി.സി.സി. പ്രസിഡന്റ് എം.എം.ഹസന്‍.
അണക്കെട്ടിന്റെ ഉയരം വര്‍ദ്ധിപ്പിക്കുമ്പോള്‍ കുടിയൊഴിപ്പി ക്കപ്പടുന്ന പതിനായിരക്കണക്കിന് ആദിവാസികളുടെ പുനരധിവാസം പൂര്‍ണ്ണമായും മധ്യപ്രദേശ് സര്‍ക്കാര്‍ ഉറപ്പുവരുത്തണമെന്ന് ആവശ്യപ്പെട്ട് അനിശ്ചിതകാല നിരാഹാര സമരം മേധ പട്കര്‍ നടത്തിയിരുന്നു. രണ്ടാഴ്ചയിലേറെ നീണ്ടുനിന്ന നിരാഹാര സമരം അവസാനിപ്പിക്കാന്‍ ഒരിക്കല്‍പ്പോലും മധ്യപ്രദേശ് സര്‍ക്കാരും വിഷയത്തില്‍ രമ്യമായ പരിഹാരം കാണാന്‍ കേന്ദ്രസര്‍ക്കാരും  തയ്യാറായതുമില്ല.
പദ്ധതിയുടെ പേരില്‍ കുടിയൊഴിപ്പിക്കുന്നതിന് ആറുമാസംമുമ്പ് വാസയോഗ്യമായ പുനരധിവാസപ്രദേശം ലഭ്യമാക്കണമെന്ന് സുപ്രീംകോടതിയുടെ 2002ലെയും 2005ലെയും വിധിയില്‍ വ്യക്തമാക്കുന്നുണ്ട്. ജീവനോപാധി നഷ്ടപ്പെടുന്നവര്‍ക്ക് നഷ്ട പരിഹാരം നല്‍കണമെന്ന് 1979ലെ നര്‍മദ നദീജല തര്‍ക്കപരിഹാര ട്രിബ്യൂണല്‍ വിധിയിലും പറയുന്നു. എന്നാല്‍ ഇവ കാറ്റില്‍പ്പറത്തി പുനരധിവാസം ഉറപ്പാക്കാതെ നര്‍മദ താഴ്‌വരയിലെ ആദിവാസി ജനവിഭാഗങ്ങളുടെ കൂട്ടക്കുരുതി നടത്താനാണ് മധ്യപ്രദേശ് സര്‍ക്കാരിന്റെ നീക്കം.
ജനകീയ വിഷയം ഉയര്‍ത്തി രാഷ്ട്രീയ ധര്‍മ്മ സമരത്തില്‍ ഏര്‍പ്പെട്ടിരിക്കുന്ന മേധാ പട്ക്കറിന് കെ.പി.സി.സി.യുടെ ഐക്യദാര്‍ഢ്യം പ്രഖ്യാപിക്കുന്നതായും എം.എം.ഹസന്‍ അറിയിച്ചു.
more

സര്‍വ്വകക്ഷി യോഗത്തില്‍ കെ.പി.സി.സി. പ്രസിഡന്റ് എം.എം. ഹസ്സന്‍ നടത്തിയ അഭിപ്രായ നിര്‍ദ്ദേശങ്ങള്‍

സര്‍വ്വകക്ഷി യോഗത്തില്‍ കെ.പി.സി.സി. പ്രസിഡന്റ് എം.എം. ഹസ്സന്‍ നടത്തിയ അഭിപ്രായ നിര്‍ദ്ദേശങ്ങള്‍

സര്‍ക്കാര്‍ സര്‍വ്വ കക്ഷി യോഗം വിളിച്ചതിനെ സ്വാഗതം ചെയ്യുന്നു.
മൂന്നാറില്‍ അനധികൃതമായി ഭൂമി കൈയ്യേറിയ എല്ലാവരെയും ചെറുകിടക്കാരെയും വന്‍കിടക്കാരെയും ഒഴിപ്പിക്കണം.
കുടിയേറ്റക്കാരെയും കയ്യേറ്റക്കാരെയും ഒരുപോലെ കാണരുത്.
മൂന്നാറിലെ തൊഴിലാളികളെയും, ചെറുകിട കച്ചവടക്കാരെയും കൈയ്യേറ്റക്കാരായി കാണാനാകില്ല.
ഒഴിപ്പിക്കല്‍ നടപടി സ്തംഭിപ്പിച്ചത് നിര്‍ഭാഗ്യകരമായിപ്പോയി.
പോലീസ് റവന്യൂവകുപ്പുകള്‍ തമ്മിലുണ്ടായ തര്‍ക്കങ്ങളാണ് ഇതിന് കാരണമായത്.
മുഖ്യമന്ത്രിയും റവന്യൂമന്ത്രിയും പരസ്യമായി പ്രകടിപ്പിച്ച അഭിപ്രായങ്ങള്‍ സ്തംഭനത്തിന് കാരണമായി.
ഭൂമി കയ്യേറി ഷെഡ്‌കെട്ടിയത് ഒഴിപ്പിക്കാന്‍ പോയ സബ്കളക്ടര്‍ അക്രമം നടത്തിയവരെ തടയാന്‍ പോലീസിന് നിര്‍ദ്ദേശം നല്‍കിയിട്ടും പോലീസ് ഉദ്യോഗസ്ഥര്‍ അത് നടപ്പാക്കിയില്ല.
ഒരു മന്ത്രി സബ്കളക്ടറെ ഭീഷണിപ്പെടുത്തുകയും താക്കീത് ചെയ്യുകയും ചെയ്തു. കൃത്യ നിര്‍വ്വഹണം നടത്തിയ സബ്കളക്ടറെ മുഖ്യമന്ത്രി താക്കീത് ചെയ്യുമ്പോള്‍ പിന്നെ എങ്ങനെയാണ് ഒഴിപ്പിക്കല്‍ നടപടികള്‍ മുന്നോട്ടുപോകുന്നത്.
രാഷ്ട്രീയ പരിഗണനകള്‍ക്കള്‍ക്കതീതമായി ഭരണകക്ഷിക്കാരുള്‍പ്പെടെ യുള്ളവരുടെ കയ്യേറ്റങ്ങളാണ് ആദ്യം ഒഴിപ്പിക്കേണ്ടത്.
എം.എല്‍.എ.മാരുടെയും, എം.പി.മാരുടെയും കയ്യേറ്റങ്ങള്‍ ആദ്യം ഒഴിപ്പിക്കണം.
ചെറുകിട കയ്യേറ്റങ്ങള്‍ ഒഴിപ്പിക്കാന്‍ നടപടി സ്വീകരിക്കുന്ന റവന്യൂവകുപ്പ് ടാറ്റ, ഹാരിസണ്‍ കമ്പനികളുടെ കയ്യേറ്റത്തിനെതിരെയുള്ള കേസ്സുകള്‍ നടത്തുന്നതിന് താല്‍പര്യം കാണിക്കുന്നില്ല.
ഗവണ്‍മെന്റ് പ്ലീഡര്‍ സുശീലാഭട്ടിനെ മാറ്റിയത് വന്‍കിട കയ്യേറ്റക്കാരായ കമ്പനികളെ സഹായിക്കാനാണ്.
എ.വി.ടി. കമ്പനി മരം മുറിച്ചതിലൂടെ സര്‍ക്കാരിന്റെ കോടികള്‍ നഷ്ടപ്പെടുത്തിയതിന് റവന്യൂവകുപ്പിന് ഉത്തരവാദിത്തമുണ്ട്.
മൂന്നാറില്‍ കുടില്‍ വച്ച് താമസിക്കുന്നവരില്‍ സ്വന്തമായി ഭൂമി ഇല്ലാത്തവര്‍ക്ക് പരമാവധി 5 സെന്റ് വസ്തുവിന്‌വരെ പട്ടയം നല്‍കണം.
സര്‍ക്കാര്‍ ഭൂമിയിലെ മറ്റു കയ്യേറ്റക്കാരെ ഒഴിപ്പിക്കണം.
വ്യാജ പട്ടയങ്ങളുടെ പിന്‍ബലത്തില്‍ സര്‍ക്കാര്‍ ഭൂമി കയ്യേറിയവരെ ഒഴിപ്പിക്കണം.
മൂന്നാര്‍ ടൗണിലെ എല്ലാ കച്ചവട സ്ഥാപനങ്ങള്‍ക്കും പട്ടയം നല്‍കണം.
സ്വകാര്യ ഭൂമികളും സര്‍ക്കാര്‍ ഭൂമികളും റീ സര്‍വ്വേ നടത്തി വേര്‍തിരിക്കണം.
സര്‍ക്കാര്‍ ഭൂമികളില്‍ മേലില്‍ കയ്യേറ്റങ്ങള്‍ ഉണ്ടാകാതെ പരിരക്ഷിക്കണം.
വിനോദ സഞ്ചാര പ്രാധാന്യമുള്ള കെ.ഡി.എച്ച്. വില്ലേജിനും പരിസര വില്ലേജുകള്‍ക്കും പ്രത്യേക കെട്ടിട നിര്‍മ്മാണ ചട്ടം ഉണ്ടാക്കണം.
കെ.എച്ച്.ഡി. വില്ലേജിലും സമീപ വില്ലേജുകളിലും കാലാവസ്ഥാ വ്യതിയാനത്തിന് കാരണമാകുന്ന നിര്‍മ്മാണ പ്രവര്‍ത്തനങ്ങള്‍ പൂര്‍ണ്ണമായും നിരോധിക്കുവാന്‍ ആവശ്യമായ നിയമ നിര്‍മ്മാണം നടത്തി ആയത് പ്രാബല്യത്തില്‍ വരുത്തി കര്‍ശനമായി നടപ്പാക്കണം.
പിരിഞ്ഞുപോകുന്ന തോട്ടം തൊഴിലാളികളില്‍ സ്വന്തമായി ഭൂമി ഇല്ലാത്തവര്‍ക്കെല്ലാം വീടുവെയ്ക്കുവാന്‍ സ്ഥലം നല്‍കുകയോ പുനരധിവസിപ്പിക്കുകയോ ചെയ്യണം.
മൂന്നാര്‍ ടൗണിലൂടെയും പരിസരങ്ങളിലൂടെയും ഒഴുകുന്ന നദികളും തോടുകളും കയ്യേറ്റങ്ങള്‍ പൂര്‍ണ്ണമായും ഒഴിവാക്കി, സംരക്ഷണ ഭിത്തി കെട്ടി പരിരക്ഷിക്കുകയും മാലിന്യ വിമുക്തമാക്കുകയും ചെയ്യണം.
വിനോദ സഞ്ചാരത്തില്‍ അടിസ്ഥിതമായ പദ്ധതികള്‍ ദേവികുളം താലൂക്കില്‍ വികേന്ദ്രീകൃതമായി നടപ്പാക്കണം.
അഞ്ചു നാടു വില്ലേജുകളിലെ മരംമുറിക്കല്‍ നിരോധനം നീക്കണം.
പട്ടയ വസ്തുക്കളില്‍ സ്വന്തമായി നട്ടുവളര്‍ത്തിയ വൃക്ഷങ്ങള്‍ വെട്ടിമാറ്റുവാന്‍ ഉടമസ്ഥരെ അനുവദിക്കണം.
പട്ടയങ്ങളുടേയും, കൈമാറ്റ ആധാരങ്ങളുടേയും നിജസ്ഥിതി അന്വേഷണത്തിന്റെ മറവില്‍ ജനങ്ങള്‍ക്കുണ്ടായിക്കൊണ്ടിരിക്കുന്ന ബുദ്ധിമുട്ടുകളും, അസൗകര്യങ്ങളും പരമാവധി ഒഴിവാക്കുകയും, കരം സ്വീകരിക്കുന്നതിലും, സര്‍ട്ടിഫിക്കറ്റുകള്‍ നല്‍കുന്നതിലും മറ്റുമുള്ള വിലക്കുകള്‍ നീക്കുകയും ചെയ്യണം.
ഭൂമി പതിവ് ചട്ടങ്ങളും ഏലപ്പാട്ട ചട്ടങ്ങളും കാലാനുസരണമായി ഭേദഗതി ചെയ്യണം.
പട്ടയം ലഭിക്കുന്നതിന് നിശ്ചയിച്ചിട്ടുള്ള വരുമാന പരിധി ഒഴിവാക്കണം.
അര്‍ഹതപ്പെട്ടവര്‍ക്കെല്ലാം സമയബന്ധിതമായി പട്ടയം നല്‍കണം

more

രാഷ്ട്രീയകാര്യ സമിതി യോഗം മേയ് 9 (ചൊവ്വാഴ്ച) വൈകുന്നേരം 3 മണിക്ക്

കെ.പി.സി.സിയുടെ രാഷ്ട്രീയകാര്യ സമിതി യോഗം മേയ് 9 (ചൊവ്വാഴ്ച) വൈകുന്നേരം 3 മണിക്ക് ഇന്ദിരാഭവനില്‍ സംസ്ഥാന സംഘടനാ തെരഞ്ഞെടുപ്പിന്റെ ചുമതലയുള്ള പ്രദേശ് റിട്ടേണിംഗ് ഓഫീസര്‍ എസ്.നാച്ചിയപ്പയുടെ സാന്നിദ്ധ്യത്തില്‍ ചേരുന്നതാണെന്ന് കെ.പി.സി.സി. പ്രസിഡന്റ് ഹസ്സന്‍ അറിയിച്ചു.

more

ചമ്പാരണ്‍ നീലം കര്‍ഷക സമരത്തിന്റെ 100-ാം വാര്‍ഷികം കെ.പി.സി.സി. ആസ്ഥാനമായ ഇന്ദിരാഭവനില്‍ മേയ് 7 ഞാറാഴ്ച രാവിലെ 10 മണിക്ക്‌

മുതലാളിത്ത ചൂഷണത്തിനെതിരെ മഹാത്മാഗാന്ധി ഇന്ത്യയില്‍ ആദ്യമായി പങ്കെടുത്ത് നേതൃത്വം നല്‍കിയ ചമ്പാരണ്‍ നീലം കര്‍ഷക സമരത്തിന്റെ 100-ാം വാര്‍ഷികം കെ.പി.സി.സി. ആസ്ഥാനമായ ഇന്ദിരാഭവനില്‍ മേയ് 7 ഞാറാഴ്ച രാവിലെ 10 മണിക്ക് സമുചിതമായി ആചരിക്കുമെന്ന് കെ.പി.സി.സി. ജനറല്‍ സെക്രട്ടറി തമ്പാനൂര്‍ രവി അറിയിച്ചു. കെ.പി.സി.സി. പ്രസിഡന്റ് എം.എം.ഹസ്സന്റെ അധ്യക്ഷതയില്‍ ചേരുന്ന സമ്മേളനം കോണ്‍ഗ്രസ് പ്രവര്‍ത്തക സമിതി അംഗം എ.കെ.ആന്റണി ഉദ്ഘാടനം ചെയ്യും. പ്രതിപക്ഷനേതാവ് രമേശ് ചെന്നിത്തല, മുന്‍മുഖ്യമന്ത്രി ഉമ്മന്‍ചാണ്ടി, കെ.പി.സി.സി മുന്‍പ്രസിഡന്റ് വി.എം.സുധീരന്‍, കൊടിക്കുന്നില്‍ സുരേഷ് എം.പി, എ.ഐ.സി.സി. വക്താവ് പി.സി.ചാക്കോ, എം.എല്‍.എമാരായ വി.എസ്.ശിവകുമാര്‍, ശബരീനാഥന്‍ തുടങ്ങിയവര്‍ പങ്കെടുക്കുമെന്നും തമ്പാനൂര്‍ രവി അറിയിച്ചു.

more

കെ.പി.സി.സി രാഷ്ട്രീയകാര്യ സമിതിയോഗം

കെ.പി.സി.സി രാഷ്ട്രീയകാര്യ സമിതിയോഗം ഏപ്രില്‍ 1 ശനിയാഴ്ച രാവിലെ 10 മണിക്ക് മലപ്പുറം ഡി.സി.സി ഓഫീസില്‍ വച്ച് ചേരുന്നതാണെന്ന് കെ.പി.സി.സി. ജനറല്‍ സെക്രട്ടറി തമ്പാനൂര്‍ രവി അറിയിച്ചു.

more

ചോദ്യപ്പേപ്പര്‍ ചോര്‍ച്ച ; ജുഡീഷ്യല്‍ അന്വേഷണം ആവശ്യപ്പെട്ട് ജില്ലാ കേന്ദ്രങ്ങളില്‍ യു.ഡി.എഫ്. പ്രതിഷേധ പ്രകടനങ്ങള്‍

എസ്.എസ്.എല്‍.സി., ഹയര്‍ സെക്കന്‍ഡറി തുടങ്ങിയ പരീക്ഷകളുടെ ചോദ്യപ്പേപ്പര്‍ ചോര്‍ച്ചയെ സംബന്ധിച്ച് ജുഡീഷ്യലന്വേഷണം നടത്തണമെന്ന് ആവശ്യപ്പെട്ടുകൊണ്ട് യു.ഡി.എഫിന്റെ ആഭിമുഖ്യത്തില്‍ സംസ്ഥാനത്തെ എല്ലാ ജില്ല കേന്ദ്രങ്ങളിലും നാളെ (29.3.2017 ബുധനാഴ്ച) പ്രതിഷേധ പ്രകടനങ്ങള്‍ സംഘടിപ്പിക്കുമെന്ന് യു.ഡി.എഫ്. കണ്‍വീനര്‍ പി.പി. തങ്കച്ചന്‍ അറിയിച്ചു.

more

ഉപതെരഞ്ഞെടുപ്പുമായി ബന്ധപ്പെട്ട പ്രവര്‍ത്തനങ്ങള്‍ക്കു നേതൃത്വം നല്‍കുന്നതിന് കെ.പി.സി.സി. നേതാക്കളെ നിയോഗിച്ചു.

മലപ്പുറം പാര്‍ലമെന്റ് നിയോജകമണ്ഡലത്തിലെ ഉപതെരഞ്ഞെടുപ്പുമായി ബന്ധപ്പെട്ട പ്രവര്‍ത്തനങ്ങള്‍ക്കു നേതൃത്വം നല്‍കുന്നതിന് താഴെപറയുന്ന കെ.പി.സി.സി. നേതാക്കളെ കെ.പി.സി.സി. പ്രസിഡന്റ് എം.എം. ഹസ്സന്‍ നിയോഗിച്ചതായി ജനറല്‍ സെക്രട്ടറി തമ്പാനൂര്‍ രവി അറിയിച്ചു.

1. വി.ഡി. സതീശന്‍ എം.എല്‍.എ., വൈസ് പ്രസിഡന്റ്
2. ലാലി വിന്‍സെന്റ്, വൈസ് പ്രസിഡന്റ്
3. ഭാരതിപുരം ശശി, വൈസ് പ്രസിഡന്റ്
4. എ.കെ. മണി, വൈസ് പ്രസിഡന്റ്
5. ജോണ്‍സണ്‍ എബ്രഹാം, ട്രഷറര്‍
6. ഡോ. ശൂരനാട് രാജശേഖരന്‍, ജനറല്‍ സെക്രട്ടറി
7. ശരത്ചന്ദ്രപ്രസാദ്, ജനറല്‍ സെക്രട്ടറി
8. കെ.പി. കുഞ്ഞിക്കണ്ണന്‍, ജനറല്‍ സെക്രട്ടറി
9. പി.എം. സുരേഷ്ബാബു, ജനറല്‍ സെക്രട്ടറി
10. സജീവ് ജോസഫ്, ജനറല്‍ സെക്രട്ടറി
11. എന്‍. സുബ്രഹ്മണ്യന്‍, ജനറല്‍ സെക്രട്ടറി
12. ബാബുപ്രസാദ്, ജനറല്‍ സെക്രട്ടറി
13. പി.സി. വിഷ്ണുനാഥ്, ജനറല്‍ സെക്രട്ടറി
14. വത്സലപ്രസന്നകുമാര്‍, ജനറല്‍ സെക്രട്ടറി
15. ലതികാ സുഭാഷ്, ജനറല്‍ സെക്രട്ടറി
16. സുമാബാലകൃഷ്ണന്‍, ജനറല്‍ സെക്രട്ടറി
17. പത്മജാവേണുഗോപാല്‍, ജനറല്‍ സെക്രട്ടറി
18. പി. രാമകൃഷ്ണന്‍, ജനറല്‍ സെക്രട്ടറി
19. കെ.പി. അനില്‍കുമാര്‍, ജനറല്‍ സെക്രട്ടറി
20. എം.പി. ജാക്‌സണ്‍, ജനറല്‍ സെക്രട്ടറി
21. കെ.എം.ഐ. മേത്തര്‍, ജനറല്‍ സെക്രട്ടറി
22. മണ്‍വിള രാധാകൃഷ്ണന്‍, ജനറല്‍ സെക്രട്ടറി
23. വി.എ. കരീം, സെക്രട്ടറി
24. രതികുമാര്‍, സെക്രട്ടറി
25. ജെയ്‌സണ്‍ ജോസഫ്, സെക്രട്ടറി
26. എം.എം. നസീര്‍, സെക്രട്ടറി
27. ആര്‍. വത്സലന്‍, സെക്രട്ടറി
28. കെ.കെ. എബ്രഹാം, സെക്രട്ടറി
29. പി.റ്റി. അജയമോഹന്‍, സെക്രട്ടറി
30. പി.എ. സലിം, സെക്രട്ടറി
31. പഴകുളം മധു, സെക്രട്ടറി
32. അബ്ദുള്‍ മുത്തലിബ്, സെക്രട്ടറി
33. പ്രവീണ്‍കുമാര്‍, സെക്രട്ടറി
34. റ്റി.യു. രാധാകൃഷ്ണന്‍, സെക്രട്ടറി
35. ജ്യോതികുമാര്‍ ചാമക്കാല, സെക്രട്ടറി
36. മണക്കാട് സുരേഷ്, സെക്രട്ടറി
37. മാന്നാര്‍ അബ്ദുള്‍ ലത്തീഫ്, സെക്രട്ടറി
38. കെ. നീലകണ്ഠന്‍, സെക്രട്ടറി
39. എ. ഷാനവാസ്ഖാന്‍, സെക്രട്ടറി
40. എം. പ്രേമചന്ദ്രന്‍, സെക്രട്ടറി
41. എം.എസ്. വിശ്വനാഥന്‍, സെക്രട്ടറി
42. എം.വി.പോള്‍, സെക്രട്ടറി
43. ത്രിവിക്രമന്‍തമ്പി, സെക്രട്ടറി
44. ഫിലിപ്പ് ജോസഫ്, സെക്രട്ടറി
45. സക്കീര്‍ഹുസൈന്‍, സെക്രട്ടറി
46. ഐ.കെ. രാജു, സെക്രട്ടറി
47. കെ.സി. ജോസഫ് എം.എല്‍.എ.
48. തിരുവഞ്ചൂര്‍ രാധാകൃഷ്ണന്‍ എം.എല്‍.എ.
49. വി.എസ്. ശിവകുമാര്‍ എം.എല്‍.എ.
50. അടൂര്‍പ്രകാശ് എം.എല്‍.എ.
51. എം. വിന്‍സെന്റ് എം.എല്‍.എ.
52. വി.ടി. ബലറാം എം.എല്‍.എ.
53. ഐ.സി.ബാലകൃഷ്ണന്‍ എം.എല്‍.എ
54. സണ്ണിജോസഫ് എം.എല്‍.എ.
55. ഹൈബിഈഡന്‍ എം.എല്‍.എ.
56. റോജി എം. ജോണ്‍ എം.എല്‍.എ.
57. എല്‍ദോസ് കുന്നപ്പള്ളി എം.എല്‍.എ.
58. ഷാഫിപറമ്പില്‍ എം.എല്‍.എ.
59. അന്‍വര്‍സാദത്ത് എം.എല്‍.എ.
60. അനില്‍ അക്കര എം.എല്‍.എ.
61. വി.പി.സജീന്ദ്രന്‍ എം.എല്‍.എ.
62. കെ.എസ്.ശബരിനാഥന്‍ എം.എല്‍.എ.
63. പി.റ്റി. തോമസ് എം.എല്‍.എ.
64. എം.എ. വാഹിദ് എക്‌സ് എം.എല്‍.എ.
65. സി.പി. മുഹമ്മദ് എക്‌സ് എം.എല്‍.എ.
66. ബെന്നി ബഹനാന്‍ എക്‌സ് എം.എല്‍.എ.
67. ജോസഫ് വാഴക്കന്‍ എക്‌സ് എം.എല്‍.എ.
68. വര്‍ക്കല കഹാര്‍ എക്‌സ് എം.എല്‍.എ.
69. അബ്ദുള്ളക്കുട്ടി എക്‌സ് എം.എല്‍.എ.
70. പാലോട് രവി എക്‌സ് എം.എല്‍.എ.
71. പി.എ. മാധവന്‍ എക്‌സ് എം.എല്‍.എ.
72. അഡ്വ. റ്റി.സിദ്ദിഖ്, ഡി.സി.സി. പ്രസിഡന്റ്
73. കെ. സുരേന്ദ്രന്‍, മുന്‍ ഡി.സി.സി പ്രസിഡന്റ്
74. കെ.സി. അബു, മുന്‍ ഡി.സി.സി പ്രസിഡന്റ്
75. സി.വി. ബാലചന്ദ്രന്‍, മുന്‍ ഡി.സി.സി പ്രസിഡന്റ്
76. മുഹമ്മദ്കുഞ്ഞി, മുന്‍ ഡി.സി.സി പ്രസിഡന്റ്
77. സി.കെ. ശ്രീധരന്‍, മുന്‍ ഡി.സി.സി പ്രസിഡന്റ്
78. കെ.എല്‍.പൗലോസ്, മുന്‍ ഡി.സി.സി പ്രസിഡന്റ്
79. രാജ്‌മോഹന്‍ ഉണ്ണിത്താന്‍

more